Adaptación, non tradución
Cada versión soa natural no seu idioma. O ton mantense; as frases, non sempre.
Servizo · Multilingüe
Fala o idioma do teu cliente. De verdade
Galego, castelán, valenciano-catalán, éuscaro ou o que faga falta. Adaptado a cada lingua, non pasado polo tradutor e esquecido nun caixón.
Que inclúe
Como o montamos.
Un enderezo por idioma
Cada idioma ten as súas propias páxinas, para que Google lle mostre a boa a cada persoa.
Hreflang e SEO por idioma
Títulos, descricións e datos estruturados en cada lingua. O que moitas webs multilingües se saltan.
Un selector que se entende
Cambiar de idioma é un clic, e a web lembra a elección sen cookies.
Idioma do navegador
Se alguén entra co navegador en galego, valenciano ou éuscaro, levámolo á súa versión.
Cooficiais e máis
As linguas cooficiais e tamén inglés, francés ou as que precise o teu cliente.
Por que non vale o tradutor automático
Porque se nota. Un texto traducido á máquina soa raro, trabúcase cos nomes propios e transmite xusto o contrario do que queres: que non che importa. Ademais, Google premia o contido útil, non o texto duplicado con outras palabras.
Catro linguas na casa
Esta mesma web está en castelán, valenciano-catalán, éuscaro e galego, cada unha coa súa versión propia. Si, tamén esta que estás a ler. En valenciano-catalán usamos un estándar que se entende e soa ben tanto na Comunitat Valenciana coma en Cataluña. O que facemos na casa é o que che ofrecemos.
Para quen ten sentido
Para negocios con clientes de varias comunidades, para turismo, para administracións e entidades que deben atender en lingua cooficial, e para calquera que queira tratar ben a quen o le.
Preguntas
Preguntas sobre isto.
Facedes webs en galego?
Si, en galego normativo, coidado para que soe natural e non a castelán disfrazado. Tamén en valenciano-catalán, éuscaro e inglés.
Como sabe Google que idioma mostrar?
Coas etiquetas hreflang e un enderezo propio para cada versión. Así cada persoa ve a páxina no seu idioma nos resultados.
Teño que darvos eu os textos traducidos?
Non fai falta. Encargámonos da adaptación; se tes textos ou tradutor de confianza, integrámolos e revisámolos.
Máis cousas que facemos
07 · Tócache
Falamos
Cóntanos que precisas. Respóndeche unha persoa, non un bot con nome de persoa.
Se estamos programando, respondemos en canto compile.